-BMMK- komulakan misionaris sumuang kampung (Nadau)

Shalom,
kopisanangan id ngaran di Kristus Jesus, okukuro no kabar dikoyu toinsanan?.. ososonong ih matu kio...
aiso ih poboroson ti nga maganu nopo kosiwatan do manaak pibogian kokomoi BMMK di kawawagu mantad 4-9 Jun 2012 nanajul do TPBZ Pukak om Lokub kumaa Nadau om ogumu po ih suai kinoiyonon rinikot dahai... hahahahaha.. suai-suai monurat id boros do Dusun, nga umbalan nopo, iti nga iso pokionuon id BMMK diti.


Mantad ginumuan do BMMK, iti nogi BMMK di anaru, gisom sominggu om kaawi nogi.. nga kakal  id ginawo ku do amu po da nabagalan... hehehehe.. pinanau nopo dahai nga mantad LOkub, minoi hilo Paka tuminilombus kagu minoi hilo Pahu, minodop hilo sontuong, kosuabon, mamanau tumakan mongoi Nadau, koodop sontuong do hilo, om haro pipiro tababayan di pinapanau do hilo, kosuabon minamanau kawagu tumakad mongoi hilo Pekan Nabalu, hilo nga nokoodop nogi sontuong, kosuabon, mamanau mongoi hilo Moingob, minumbaya po toruhai hilo Rungus Nahaba, kosuabon mamanau gumuli kawagu mongoi Lokub, minumbaya hilo Sinansag. Nokoodop po kawagu hilo Lokub.
Iti nogi BMMK di ogumu mamanau, monikid tadau do manau-panau, hehehehe... oimayaan oku nogi diolo di tuminanud do BMMK tu naanu ruminikot do mamanau, mulong haro ih amu no kopio no milo mamanau, haro ih sumakit, haro ih orualan do gakod, haro ih ... ogumu ih toruol ruol do tinan amu nogi olihuan di orualan do ginawo. korongou do boros-boros do tulun.
momit do boros di Fr, om nogi Pope , "pamanau kou no id kounsikahan", osorou ku ngawi oinsanan di nakatanud BMMK diti ongounsikou mulong ogumu ih tingaso di koruol oh ginawo nung potoboion ginawo tumogod. nga ounsikou ginawoku pinadadi diolo iri mangan nopo do koirakan om kaanu do popiiso om popisomok doid tiso om tiso dahai.
ogumu ponontudukan di naanu ku maya do BMMK diti, osonong toi ko osusa nawaan patatapon nopo ginawo do tumoguang...
minangajar doho do momurimon topurimanan suai tulun, nung yoho miagal diolo, onu doho tourimanan?... poingkuro oku yoho tumoguang miagal diri... id timpu do pamanahon, haro ih amu kopio ogoris do mamanau, om maganu timpu do rumikot.. gisom haro ih tababayan di amu nakapanau, om haro ih topurimanan do kasalah, sbab amu osikap do mamanau... id pamanahon yoho kasari tumohuri mamanau, om ogumu ih tokito ku amu kopio no ogoris, om manu di andadon do mamanau...  nung id doho noopo da pomuusarahan ngan iduanan ku nopo da nga, nung miagal diri nopo nga aiso ih tanu anu ku, sabab manga ku nopo id doho nopo sondiri, haro tambalut ku id nokoboros, kada kosiau kopio mamanau, amu ko moti kokito wonsoi do Tuhan ka, hahahaha,, haro katapatan... kopuriman oku do .. ohuyan do magandad, orol takod ku oloyo do mamanau, mumang wagat oh binaboh ku, opurimanan tomod iri, nga koinsanai dilo manahak do kunsikahan kumaa doho, nung amu miagal di lo, kopuriman oku nangku songkuro kinoinggorito Fr- Fr misionaris di nokopogulu do mamanau moi papahabar boros do Tuhan kumaa tulun kampung di osodu. kaanu oku nangku momurimon, mintong songkuro kinogoyoo Koginawan do Tuhan, songkuro ginayo sundu do Tuhan toinsanan di winangun Dau monto do tokou, iso timpu do mongusikou kumaa doid Tuhan.
Maya do BMMK diti nogi minonuduk doho songkuro kinogoyo tupus songulun tambalut, songulun tompinai, songulun di amu nu podulion, kumaa doid dati, id pamanahon mantad Moingob kumaa Sinansag, haro tinggaso di nokopotigowo oinsanan tulun kg, om ogumu ih nokorikot minoi tukomo dahai, amu oku manu monorita nunu ih naantakan nga, manu nopo monusui doho topurimanan, agayo oh pokiompunan dahai kumaa diolo di minanangkus guminuli montok no dahai, kokito sinodu do pinonongkusan dikoyu, kokito do songkuro hinuyan dikoyu do tuminakad, kokito songkuro kinotigowoo dikoyu, amu oku ih papasalah nung haro ginawo dikoyu do tumogod kumaa doid dahai.. kokito kinohuyano dikoyu, popoturu romoi do mato ku, songkuro lisi dokoyu kumaa tiso om tiso... nung miagal iti nopo da koinsanai tulun, sopigilisi-lisi doid tiso om tiso, songkuro da oh sinonong..  kada kou kotogod kio...
Asaru oku do muhot, nung manu ko nopo pabahabar, habar tosonong di Jesus kumaa ginumuan nga mosti koilo ko moginum di kaauk, ... asaru ku uhoton id ginawoku. okito ku kogumuan nopo tababayan montok do gereja nga mosti haro oh timpu do minum di kaauk. dadi momusorou di ginawo ku nung perlu nangku do koilo moginom?... okito ku, miagal nopo.. "Iso ih boh ri" kad tambalut dahai Lydiana. moginum ko amu moginum nung osonong nopo tujuan nga osonong ih kasari kotutuko.. haro ih koboros do, amu osonong moginum nung moi papahabar boros kounsikahan, nga okon ko iri doho topurimanan, id doho nopo pomusarahan nga, kada pondo ih tinumon oh mamagakom dati, mosti moilo momusorou boh... okito ku nopo id timpu do moginum nga kowonsoi nogi do iso pisaan di togirot... mulong okon ih ko toinsanan.  nga nung amu ko iya moginum kada pomusorou do amu ko milo mambalut diolo di moginum, nung amu ko milo, poboroson nopo amu ko milo, aiso salah do monulak miamapai waya di osonong, kasala moti nung sansagan nu tinannu moginum.. nung koboros ko nopo amu, om igitai no iri, nung haro boros di amu osonong torongou nu, patatapo no ginawo nu, kotumbayaai no do haro ih waya nu do amu koinum, nung otumbayaan ko, Ih Jesus sondii ih popoinsodu dii kumaa diya..  aiso katangaban...  kada korosiai.. igitai kotumbayaan nu kumaa wonsoi longon do Minamangun..  Aleluia!!!...
ogumu po daa ih mangan ku poboroso nga oinsanan nga kaanu nogi momurimon ih sondii... alansan da linsou do kotumbayaan di suminuni maya do BMMK diti om lolobi po mantad do pinonudukan d FR RAYNER kumaa dati toinsanan kaanu sumuni om opiara mulong id sudo tokou,, kada tokou sansabai tapui di sumingkalab doid ginawo tokou, ih noowit tokou mantad do BMMK diti, aharap oku da ogompi kasasari kotumbayaan tokou kumaa do Minamangun, ogompi no da kasasari piisaan tokou, pogiompinaian tokou doid tiso om tiso tokou....
pason ku di tohuri no .. kada tokou kolihu do sumambayang, montok dati sondiri, montok paganakan tokou, montok do komulakan tokou, om lolobi po kopio montok di Fr Ray ih amu no alaid do tumongkiad mamanau moi poginupus do balajaran dau hilo id Rom,... alansan da toririmo FR, do olidas om otoboi ginawo id sontob nunu nopo mangan dau di osonong...  AMEN...

Gompio no linsou kotumbayaan di sinumuni....